شروط تازه برای کارمندان دولت در افغانستان

جامعه ۲۴- اموران وزارت امر به معروف و نهی از منکر طالبان از ورود کارمندان وزارت خارجه، مالیه و دیگر ادارات دولتی به دلیل داشتن ریش کوتاه جلوگیری کردند. به کارمندان گفته شده برای ورود به محل کار باید ریش بلند و کلاه داشته باشند.

ماموران وزارت امر به معروف و نهی از منکر طالبان امروز در ورودی ادارات دولتی گفتند کسانی که ریش ندارند باید به خانه بروند و زمانی برگردند که ریش بلند داشته باشند. داشتن کلاه هم اجباری شده است.

بیشتر بخوانید: طالبان نخست‌وزیر جدید تعیین کرد

وزارت معارف طالبان خطاب به کارمندان تمام ادارات نوشته است: از کم کردن و تراشیدن ریش به گونه مطلق خودداری کرده و در اوقات رسمیات از لباس‌های افغانی استفاده کرده، لنگی و یا هم کُلاه به سر نمایید.